Arvoh ishi — Ravshan Yoʻldosh
1 Tushimda barmog‘iga uzuk taqqan sichqon qopqon ko‘tarib mushukni quvlab yurganmish… Ko‘nglim xijil bo‘ldi. Tushimga sichqon kirishi yaxshilikkamas, bunga bir necha bor amin bo‘lganman. Qaysi kuniyam suvga kalla tashlayotgan sichqonni tush ko‘rgandim. Ertasiga qaynonam tomondan xunuk xabar keldi: qaynotam to‘yda araqqa bo‘kkan ekan, aksimni ko‘raman deb quduqqa egilib pastga qulabdi!